ជាទូទៅអ្នកទេសចរណ៍ទាំងឡាយតែងតែចង់ស្នាក់នៅសណ្ឋាគារដែលនៅជិត ផាប់ស្ទ្រីត ដែលជាកន្លែងអ៊ូរអ៊រ ជុំវិញទៅដោយភោជនីយដ្ឋាន មីនីម៉ាត ក្លឹបកំសាន្ត និងហាងទំនិញផ្សេងៗ។ ប៉ុន្តែ ប្រសិនបើអ្នកធ្វើដំណើរកំសាន្តជាគ្រួសារ ដែលមានកូនតូចៗ អ្នកគួរជ្រើសរើសការស្នាក់នៅ កន្លែងដែលមិនមានសំលេងខ្លាំង ដែលអាចរំខានដល់ដំនេករបស់អ្នក និងកូនជាទីស្រលាញ់របស់អ្នកផងដែរ។ ការស្នាក់នៅឆ្ងាយពីទីប្រជុំជន ផ្តល់អោយអ្នកនូវអារម្មណ៍ស្រស់ស្រាយ និងភាពស្ងប់ស្ងាត់ក្នុងចិត្ត ដោយសារសណ្ឋាគារ រឺ រីស៊តទាំងនោះមានទីធ្លាធំទូលាយ សួនច្បារ ហាងហែលទឹកធំទូលាយ និងខ្យល់អាកាសបរិសុទ្ធ សំរាប់អ្នកលំហែរកាយ។ ដើម្បីទទួលបានបទពិសោធន៍ដ៏ល្អបែបនេះសំរាប់ដំណើរកំសាន្តជាគ្រួសាររបស់អ្នក យើងសូមណែនាំសណ្ឋាគារដ៏ល្អប្រណីតលក្ខណៈគ្រួសារ ៥កន្លែងដែលនៅឆ្ងាយពីទីក្រុង សៀមរាប៖ Memoire Palace Resort & Spa ជាសណ្ឋាគាររីស៊តថ្មីស្រលាងលើទឹកដីសៀមរាប អង្គរ ដែលមានម៉ូតអគារឆ្នាំ១៩៦០ និងរចនាបែបទំនើប។ លក្ខណះពិសេសគឺ វាមានអាងហែលទឹកដ៏ធំទូលាយដែលជាទីគាប់ចិត្តសំរាប់ក្មេងៗ ហើយនិងទីធ្លាសួនច្បារដ៏ធំ។ គ្រួសារអ្នកអាចរីករាយនិងសកម្មភាពផ្សេងៗនៅក្នុងសណ្ឋាគារផងដែរ ដូចជា ការជិះសុីក្លូ យូហ្គា ក្លឹបកីឡា ម៉ាស្សានិងស្ប៉ា។ល។ រីឯបន្ទប់វិញ មានការតុបតែងយ៉ាងទំនើប ដោយបរិក្ខារ និងរូបគំនូរបបែបខ្មែរ។ ចំណែកអាហារវិញមានរស់ជាតិឆ្ងាញ់ពិសារ មានជាច្រើនមុខសំរាប់តំរូវការរបស់អ្នក។ Hillocks Hotel & Spa ប្រសិនជាអ្នកចង់ស្វែងរកកន្លែងដែលគេចពីមនុស្សម្នា ហើយរីករាយនិងសម្រស់ធម្មជាតិស្រុកស្រែ Hillocks Hotel & Spa គឺជាជំរើសរបស់អ្នក។ ស្ថិតនៅចំងាយប្រហែលជា១គីឡូម៉ែតពីក្រុងសៀមរាប សណ្ឋាគារបែបរីស៊តមួយនេះ មានវីឡាជាបឹងហ្គាឡូដាច់ពីគ្នា លាតសន្ធឹងលើផ្ទៃដីជាច្រើនហិកតា

Read More

សៀមរាប គឺជាទឹកដីសម្បូរទៅដោយ សម្បត្តិវប្បធម៌ សំណង់ប្រាសាទ​ប្រវត្តិសាស្ត្រ និងតំបន់ទេសចរណ៍ធម្មជាតិជាច្រើិន ដែលល្បីល្បាញទូទាំងប្រទេសកម្ពុជា និង លើពិភពលោក។ ដូច្នេះហើយ ទីក្រុង​សៀមរាប ក្លាយ​ជា​គោលដៅ​ទេសចរណ៍ “​ត្រូវតែ​ទស្សនា​” សម្រាប់​ភ្ញៀវ​ជាតិ និងអន្តរជាតិទាំងអស់​ដែល​មក​ប្រទេស​កម្ពុជា​។ ប្រាង្គប្រាសាទអង្គរវត្ត ដ៏ស្គឹមស្គៃរបស់បុព្វបុរស់ខ្មែរ ដែលល្បីល្បាញលើសកលលោក គឺជាទិសដៅចំបងជាងគេ សំរាប់ភ្ញៀវទេសចរណ៍ទាំងឡាយ រួមទាំងភ្ញៀវទេចរណ៍ជាមួយគ្រួសារដែលមានកូនតូចៗផងដែរ។  លើសពីនេះទៅទៀត សំរាប់អ្នកធ្វើដំណើរកំសាន្តជាមួយគ្រួសារ សៀមរាបក៏មានកន្លែងសប្បាយជាច្រើនដែលអ្នកអាចនាំកូនរបស់អ្នក ទៅកំសាន្តផងដែរ។ ១ ភូមិវប្បធម៌ កម្ពុជា ភូមិវប្បធម៌កម្ពុជាគឺ​ជា​កូន​ស្រុក​គំរូ​មួយ​ដែល​មាន​សំណង់​ ផ្ទះ និង អាគារ​ប្រវត្តិសាស្រ្ត​ទំនាម​ទំលាប់​របស់​ប្រជាជន​ខ្មែរ និង ជីវភាព​របស់​ជនជាតិ​ទាំងអស់​។ ក្នុងភូមិវប្បធម៌កម្ពុជា​មានភូមិ​ចំនួន​១២ ដែល​តំណាង​ឲ្យ​វប្បធម៌​ផ្សេង​ៗ​គ្នា និង ចរិតលក្ខណៈ​របស់​ជនជាតិ​១៩​។ ភ្ញៀវ​ទេសចរណ៍​អាច​រីក​រាយ​ជាមួយ​នឹង​ការ​សំដែង​របាំអប្សរា និង របាំ​របស់​ជនជាតិ​ភាគតិច​នៅ​ កម្ពុជា និង អាច​ទស្សនា​ការ​សំដែង​អំពី​ប្រពៃណី​រៀប​អាពាហ៌ពិពាហ៌​របស់​ជនជាតិ​ខ្មែរ​។ នៅតាម​ភូមិ​និមួយ​ៗ អ្នក​ទេសចរណ៍​អាច​មើលឃើញ​អំពី​ការបង្ហាញ​អំពី​របៀប​ឆ្លាក់លើថ្ម លើឈើ ដំគ្រឿង​ប្រាក់ និង ឆ្នៃត្បូង​។ សណ្ឋាគារប៊ូទិក មានសេវាកម្មល្អ ក្បែរភូមិវប្បធម៌កម្ពុជា ២ អាតបក់ Art Box អាតបក់ គឺជាសារមន្ទីរគំនូរសិល្បៈ 3D ឆ្ពិនភ្នែក ដែលមានលក្ខណះរស់រវើក ដូចមានជីវិតពិតៗ។ អ្នកអាចផ្តិតយករូបភាពដ៏អស្ចារ្យជាង១៥០ប្រភេទជាមួយគ្រួសារ និង មិត្តភក្តិរបស់អ្នក។ តំលៃសំបុត្រចូលទស្សនាសំរាប់ខ្មែរយើង ៥ដុល្លារ

Read More

តើអ្នកបានគិតគូរអំពីការអភិវឌ្ឍន៍ខ្លួននៅក្នុងឆ្នាំថ្មី២០១៩ហើយ ឫនៅ?  រឺក៏អ្នកបានគិតថានិងប្រើប្រាស់ឆ្នាំថ្មី ដើម្បីលុបបំបាត់ទំលាប់អាក្រក់ៗចោល ហើយជ្រើសរើសយកទំលាប់ថ្មី។ តាមទំលាប់ ថ្ងៃឆ្លងឆ្នាំថ្មីគឺ ជាពេលវេលាល្អបំផុត ដើម្បីចាប់ផ្តើមទំព័រថ្មីនៃជីវិតរបស់អ្នក ហើយជាពេលដែលអ្នកត្រូវតែធ្វើអោយបាននូវដំដោះស្រាយ និងគំនិតឆ្នាំថ្មីសំខាន់ៗរបស់អ្នក។ ប៉ុន្តែ ចូរកុំកំណត់ខ្លួនឯងសំរាប់ការផ្លាស់ប្តូរដ៏ច្រើនលើសលប់ ដែលនាំអោយអ្នកនិងទទួលការបរាជ័យ។ ជាការពិតណាស់ វាពិតជាពិបាក។ ផ្ទុយមកវិញ ចូរសាកល្បងនូវចំណុចខាងក្រោម ដើម្បីអនុវត្តដំណោះស្រាយ និងគំនិតឆ្នាំថ្មីរបស់អ្នកទទួលបានជោគជ័យ៖ ជ្រើសរើសយកតែមួយចំណុចប៉ុន្នោះ ប្រសិនបើអ្នកចង់ផ្លាស់ប្តូរជីវិតរបស់អ្នក ឫរបៀបរស់នៅរបស់អ្នក ចូរកុំព្យាយាមផ្លាស់ប្តូរទាំងស្រុងក្នុងពេលតែមួយ ព្រោះវានិងអាចដំណើរការឡើយ។ អ្នកគួរគប្បីសាកល្បងកែប្រែនូវចំណុចណាមួយនៃជីវិតរបស់អ្នក ដើម្បីជាការចាប់ផ្តើម។ អ្នកត្រូវតែកំណត់វាអោយបានច្បាស់លាស់ នូវអ្វីដែលនិងត្រូវគ្រោងធ្វើ។ ប្រសិនបើអ្នកទទួលបានជោគជ័យជាមួយការផ្លាស់ប្តូរលើកដំបូង អ្នកអាចបន្តទៅមុខទៀត ហើយចាប់ផ្តើមធ្វើការផ្លាស់ប្តូរបន្ទាប់ទៀត នៅខែបន្ទាប់ទៀត។ ការផ្លាស់ប្តូរពីចំណុចតូចៗ ពីមួយទៅមួយ ពីមួយថ្ងៃទៅមួយថ្ងៃ អ្នកនិងមានឱកាសដើម្បីក្លាយខ្លួនទៅជា មនុស្សថ្មីនៅអំឡុងពេលចុងឆ្នាំ២០១៩។ វាគឺ ជាវិធីសាស្ត្រដ៏ប្រាកដជាក់ស្តែងមួយ សំរាប់ការអនុវត្ត។ ចូរកុំចាប់ជ្រើសរើសយកនូវដំណោះស្រាយ និងគំនិតឆ្នាំថ្មីទាំងឡាយណាដែលវាមានកំរិតបរាជ័យខ្ពស់។ ឧទាហរណ៍ ការរត់ម៉ារ៉ាតុងចំងាយ១០គីឡូម៉ែត ប៉ុន្តែអ្នកមិនធ្លាប់រត់ពីមុនមកសោះ ហើយថែមទាំងលើសទំងន់ទៀត។ ប្រសិនបើអ្នកក្នុងករណីបែបនេះ អ្នកគួរតែដើររាល់ថ្ងៃជាប្រចាំ រឺរត់យឺតៗជាមុនសិន។ ពេលអ្នកមានទំលាប់ហើយ អ្នកអាចចាប់ផ្តើម សាកល្បងរត់ចំងាយ ៣គីឡូម៉ែ្រត ក្រោយមក ៥គីឡូម៉ែ្រត នៅខែក្រោយៗទៀត។ នៅចុងឆ្នាំ អ្នកនិងអាចរត់ចំងាយ១០គីឡូម៉ែត្របានដោយជោគជ័យ។ តើទំលាប់មួយណាអ្នកនិងជ្រើសរើសយកមកផ្លាស់ប្តូរ? រៀបចំផែនការណ៍ទុកជាមុន ដើម្បីធានាអោយបាននូវភាពជោគជ័យ អ្នកត្រូវតែស្រា​វជ្រាវការផ្លាស់ប្តូរដែលអ្នកនិងត្រូវធ្វើវា ហើយនឹងរៀបចំផែនការណ៍ទុកជាមុន ដូច្នេះហើយអ្នកមានធនធានគ្រប់គ្រាន់នៅពេលដែលអ្នកត្រូវការ។ នេះជាវិធានការ អ្នកគួរតែរៀបចំអោយមានជាប្រព័ន្ធរួចជាស្រេចសំរាប់ការផ្លាស់ប្តូររបស់អ្នក។

Read More

តើអ្នកមានគំរោងសំរាប់ថ្ងៃឆ្លងឆ្នាំហើយរឺនៅ? តើឆ្នាំនេះមានបំណងទៅឆ្លងឆ្នាំនៅទីកន្លែងណាដែរ? ខាងក្រោមនេះគឺ ជាតំបន់មួយចំនួនដែលខ្ញុំសូមណែរនាំ បើសិនជាអ្នកមានបំណងចង់ទៅអបអររបុណ្យឆ្លងឆ្នាំខាងមុខនេះ៖ សៀមរាប អង្គរ តាមបណ្តាសណ្ឋាគារធំៗ និងកន្លែងកំសាន្តគ្រប់ទីកន្លែងនៅក្រុងសៀមរាប មានការរៀបចំនិងតុបតែងយ៉ាងស្រស់ស្អាត ជាពិសេសនៅទីតាំង ផាប់ស្ទ្រីត តែម្តងសំរាប់ ព្រឹត្តិការណ៍អបអរថ្ងៃឆ្លងឆ្នាំថ្មី។ គេរំពឹងថានឹងមានទាំងភ្ញៀវជាតិ និងអន្តរជាតិជាច្រើននិងមកចូលរួមយ៉ាងកុះករ។ សណ្ឋាគារមួយចំនួនធំគឺ ត្រូវបានកក់ស្ទើរតែពេញអស់ទៅហើយ បើគិតមកដល់ថ្ងៃនេះ។ បើមានបំណងធ្វើដំណើរកំសាន្តជាគ្រួសារ រឺជាមួយមិត្តភក្តិក្តី គួរតែរួសរាន់កក់សណ្ឋាគារចាប់ពីឥលូវនេះទៅ។ ការកក់សណ្ឋាគារឥលូវគឺកាន់តែងាយស្រួលជាមួយ គេហទំព័របាយ័នា បើសិនជាចង់គេងជុំមិត្តភក្តិក្នុងបន្ទប់តែមួយដល់ទៅ៥នាក់ ក៏អាចកក់បានតាមបាយ័នាផងដែរ។ កំពត ទីតាំងកំពតក៏មិនចាញ់សៀមរាបប៉ុន្មានដែរក្នុងបច្ចុប្បន្ន កំពតសំបូរទៅដោយរមណីយដ្ឋានជាច្រើន ដូចជាភ្នំបូកគោ ទឹកឈូរ ល្អាង​ភ្នំ​ឈ្ងោក ដូងទេរ រីវើផាក ជាដើម។ ដោយលែកក្នុងរាត្រីឆ្លងឆ្នាំផងដែរ ក្នុងទីក្រុងតាមដងព្រែក និងមានមនុស្សម្នាជាច្រើនមកអបអរបុណ្យឆ្នាំថ្មីនេះ។ កាំជ្រួញក៏និងត្រូវបានបាញ់ដើម្បីអបអរឆ្នាំថ្មីផងដែរ។ ចំពោះកន្លែងស្នាក់នៅវិញក៏ត្រូវបានកក់បណ្តើរៗហើយ ជាពិសេសភ្ញៀវបរទេស។ បើមិនចង់ពិបាករកកន្លែងគេងទេ គួរតែកក់ពីឥលូវនេះទៅ Hotel Five.S, Pippali Boutique Hotel, Kampot View Boutique Hotel ។ កែប ស្ថិតនៅមិនឆ្ងាយពីកំពតប៉ុន្មានទេ គឺត្រឹមតែ២០គីឡូម៉ែតតែប៉ុន្នោះ។ សំរាប់អ្នកចូលចិត្តភាពស្ងប់ស្ងាត់ គឺជាជំរើសល្អបំផុត។ អ្នកអាចអបអរឆ្នាំថ្មីនៅនិងសណ្ឋាគាររីស៊តផ្ទាល់តែម្តង រឺនៅលើកោះទន្សាយ។ វាអាចជាកន្លែងសាកសមបំផុតសំរាប់គូរស្នេហ៍ និងគ្រួសារ។ អ្នកអាចស្នាក់នៅសណ្ឋាគារ Samanea Beach Resort &

Read More

ទិវា​រត់​ប្រណាំង​អន្តរជាតិ​ពាក់​កណ្តាល​ម៉ារ៉ាតុង​ ​អង្គរ ​លើក​ទី​២៣ និងត្រូវប្រារព្ធឡើងនៅថ្ងៃទី ០២ ខែធ្នូ ឆ្នាំ ២០១៨ នៅទឹកដីអង្គរ ខេត្តសៀមរាប ខាងមុខនេះហើយ។ អ្នករត់ទាំងឡាយមកពីគ្រប់ទិសទីជុំវិញពិភពលោកនិងមកចូលរួម ព្រឹត្តិការណ៍រត់ប្រណាំងនេះ ក្នុងបុព្វហេតុមនុស្សធម៌ផ្សេងៗ ដូចជា ការគាំទ្រជនរងគ្រោះដោយសារគ្រាប់មីន ការសិក្សាអប់រំ និងការការពារប្រយុទ្ធប្រឆាំងនិងជំងឺអេដស៍ជាដើម។ តើអ្នកបានត្រៀមហើយរឺនៅសំរាប់ព្រឹត្តិការណ៍ដ៍អស្ចារ្យនេះ? តើអ្នកនិងមកចូលរួមរត់ប្រណាំងជាមួយមិត្តភក្តិរបស់អ្នក? ហេតុអ្វីមិនស្នាក់នៅក្នុងបន្ទប់សណ្ឋាគារជាមួយគ្នា? យើងមានបន្ទប់សណ្ឋាគារធំទូលាយ សំរាប់អ្នកដែលអាចគេងបានរហូតដល់៥នាក់នៅលើ គេហទំព័របាយ័នា។ តោះចូលរួមរត់ទាំងអស់គ្នាដើម្បីសុខភាព!

រវល់ខ្លាំងណាស់ ប៉ុន្តែលទ្ធផលការងារធ្លាក់ចុះ មិនគាប់ប្រសើរ តើអ្នកធ្លាប់ជួបប្រទះបញ្ហានេះដែររឺទេ? ពិតណាស់ថាយើងខិតខំបំពេញការងារទាំងនៅកន្លែងធ្វើការផង និងពេលខ្លះយកធ្វើនៅផ្ទះទៀត រហូតដល់យប់ជ្រៅទើបចូលគេង។ ព្រឺកឡើងត្រូវងើបទៅធ្វើការអោយទាន់ម៉ោងទៀត។ ទីបញ្ចប់បែរជាលទ្ធផលនៃការងារដូចជាមិនសូវល្អទាល់តែសោះ។ កត្តាទាំងនេះបណ្តាលមកពី ការធ្លាក់ចុះខ្សោយនៃប្រពន្ធ័ខួរក្បាលរបស់អ្នក ដោយសារអ្នកធ្វើការលើសកំណត់ គេងមិនគ្រប់គ្រាន់ ភ្នែករបស់អ្នកមានភាពនឿយហត់ខ្លាំងដោយសំលឹងកុំព្យូទ័រយូរពេក និងអង្គុយតែមួយកន្លែងជាច្រើនម៉ោង។ វាជាការចេះធ្វើការដ៏ឈ្លាសវៃ មិនមែនគិតតែខំប្រឹងធ្វើការខ្លាំង និងធ្វើការរាប់ម៉ោងអត់ដេកអត់ពួនតែមួយមុខនោះទេ បើមិនឆ្លៀតមានពេលសំរាកខ្លះទេ អ្នកនិងអាចកា្លយជាជនរងគ្រោះនៃជំងឺបាក់កំលាំង និង ធ្លាក់ទឹកចិត្ត។ អ្នកគួរតែមានពេលសំរាកលំហែរកាយ លំហែរខួរក្បាល និងធ្វើអោយអារម្មណ៍ស្រស់ស្រាយ ដើម្បីប្រសិទ្ធភាពការងាររបស់អ្នក។ ខាងក្រោមនេះ គឺជាមតិយោបល់មួយចំនួនស្តីពីទំនាក់ទំនងគ្នារវាង វិស្សមកាល រឺសំរាកពីការងារ និងប្រសិទ្ធភាពការងារ៖ ធ្វើការអំឡុងពេលវិស្សមកាលមិនធ្វើអោយរីកចំរើនប្រសិទ្ធភាពការងារនោះទេ ជាធម្មតា ពេលរដូវបុណ្យជាតិ រឺថ្ងៃឈប់សំរាកផ្សេងៗ គឺបុគ្គលិកភាគច្រើនត្រូវបានឈប់សំរាក។ តែផ្ទុយមកវិញអ្នកមានការងារច្រើនត្រូវបញ្ចប់ ដូច្នេះអ្នកត្រូវមកបំពេញការងារនៅការិយាល័យតែម្នាក់ឯង រឺធ្វើនៅគេហដ្ឋាន ដោយមិនបានធ្វើដំណើរកំសាន្តដូចគេ។ ធ្វើបែបនេះគឺមិនបានធ្វើអោយការងាររបស់អ្នកបានល្អប្រសើរនោះទេ អ្នករកនូវសំពាធផ្នែកអារម្មណ៍ ហើយប្រពន្ធ័ខួរក្បាលរបស់អ្នកវាដំណើរការមិនមានថាមពលឡើយ។ អ្នកខំប្រឹងអង្គុយមុខកុំព្យូទ័រជាច្រើនម៉ោងពិតមែន ប៉ុន្តែលទ្ធផលការងារបានតិចតួចមែនទែន។ ជួនពេលខ្លះ អ្នកបែរជារវល់តែលែងជាមួយ បណ្តាញសង្គម ផ្ញើរសារ រឺមើលវិឌីអូលើអនឡាញ ស្ទើរតែអស់ពេលពេញមួយថ្ងៃ។ អ្នកចំណាយពេលវេលាដ៏មានតំលៃរបស់អ្នក ដោយគ្មានបានលទ្ធផលអ្វីទាល់តែសោះ។ បរិយាកាស និងស្ថានការណ៍ គឺវាមានឥទ្ធិពលដល់កំរិតប្រសិទ្ធភាពការងាររបស់អ្នក។ ពេលវេលាឈប់សំរាកមកដល់ រឺថ្ងៃពិសេសផ្សេងៗដែលត្រូវសំរាក អ្នកគួរតែឈប់សំរាក ហើយដើរកំសាន្តដើម្បីបន្ធូរអារម្មណ៍ដ៏តានតឹង។ តំបន់ធម្មជាតិសំខាន់ៗនៅ ខេត្តសៀមរាប អង្គរ វិស្សមកាលកាត់បន្ថយកំរិតស្ត្រេស ការងារប្រចាំថ្ងៃ កិច្ចការផ្ទះ និងបរិយាកាសសង្គមធ្វើអោយយើងមានភាពនឿយហត់ផ្នែកអារម្មណ៍និងខួរក្បាល។

Read More

ចប់ការងារពេលល្ងាច ហើយត្រូវរៀបចំអីវ៉ាន់សំរាប់ការធ្វើដំណើរការងារនៅថ្ងៃស្អែក អ្នកស្ថិតក្នុងសភាពប្រញាប់ប្រញាល់ និងនឿយហត់ ស្ទើរតែមិនបានត្រៀមអ្វីបានគ្រប់គ្រាន់ទាល់តែសោះ។ ពេលខ្លះអ្នកភ្លេចកក់សណ្ឋាគារសំរាប់ដំណើរដើម្បីការងារទុកជាមុនក៏មាន។ ជារឿយៗពេលចប់ភារកិច្ចការងារ កិច្ចពិភាក្សាការងារ កិច្ចប្រជុំ រឺ ជំនួបជាមួយអតិថិជន អ្នកតែងតែគិតថា គួរទៅទីកន្លែងណាបន្ត ហើយពេលល្ងាចគួរទៅញាុំនៅទីណា។ ទាំងអស់នេះគឺជាកង្វល់សំរាប់អ្នក។ ពេលអ្នកមានបេសកម្មការងារមកកាន់េខត្តសៀមរាប ខ្ញុំសូមណែរនាំពីគន្លឹះខ្លះៗ ដើម្បីជាជំនួយ ចំនេញពេលវេលា និងកាត់បន្ថយអារម្មណ៍តានតឹងដូចខាងក្រោម៖ ស្នាក់នៅសណ្ឋាគារ មាន WI-FI ល្បឿនលឿន និងមាន អាងហែលទឹក សំរាប់បន្ធូរអារម្មណ៍តានតឹង ពិតណាស់ថាពេលអ្នកធ្វើដំណើរការងារ អ្នកគួរគប្បីជ្រើសរើសយកសណ្ឋាគារណាដែលមានផ្តល់ WIFI ល្បឿនលឿនសំរាប់ការងាររបស់អ្នក ជៀសវាងភាពរអាក់រអួលដែលបណ្តាលអោយប៉ះពាល់ដល់ការងាររបស់អ្នក។ មិនតែប៉ុន្នោះ សណ្ឋាគារមានអាងហែលទឹកសំរាប់សំរាកលំហែរអារម្មណ៍បន្ទាប់ពីការងាររឹតតែប្រសើរ។ អ្នកគួរតែកក់សណ្ឋាគារទុកជាមុន ពីព្រោះសណ្ឋាគារភាគច្រើនគឺទទួលបំរើភ្ញៀវទេសចរណ៍បរទេស ដូចច្នេះហើយមានតំរូវការខ្ពស់។ ដើម្បីអោយមានភាពងាយស្រួល អ្នកអាចធ្វើការកក់តាមរយះគេហទំព័រ Bayonia ដែលសណ្ឋាគារនៅលើគេហទំព័រគឺត្រូវបានជ្រើសរើសពិសេស។ ខាងក្រោមនេះគឺសណ្ឋាគារចំនួន១០ដែលខ្ញុំសូមណែរនាំ៖ ១. La Residence Blanc D’Angkor ជាសណ្ឋាគារប៊ូទិចដ៏ស្រស់ស្អាត ប្រកបដោយផាសុខភាព ទីធ្លាធំទូលាយ មានរុក្ខជាតិបៃតង និង មានហាងហែលទឹកសំរាប់លំហែរអារម្មណ៍។ ជាពិសេសបន្ទប់មានតុបតែងដោយគំនូរគួរគយគន់។ ២. Apsara Residence Hotel បន្ទប់ធំទូលាយ មានផាសុខភាព បន្ទប់ខ្លះមាន អាងហែលទឹកជាឯកជន ក្នុងបន្ទប់តែម្តង។ ហាងហែលទឹកធំទូលាយ សំរាប់លំហែរកាយ។ ៣. Soria

Read More

ការធ្វើដំណើរកំសាន្ត និងស្វែងរកកន្លែងអស្ចារ្យមិនចាំបាច់ទាល់តែមានថវិកាច្រើនទើបអាចធ្វើបាននោះទេ ហើយអ្នកក៏មិនចាំបាច់ទាល់តែ មានការងារបានប្រាក់ខែច្រើនទើបអាចធ្វើដំណើរកំសាន្តនោះដែរ។ អ្វីដែលអ្នកគួរតែយល់ដឹងនោះ គឺអ្នកត្រូវតែយល់ដឹងអំពីសម្ថភាពខ្លួនឯង ថាតើគួររៀបចំគំរោងផែនការយ៉ាងណាដើម្បីអាចដើរលេងបាន និងចំណាយអស់តិច។ ខ្ញុំបានកងក្រងវិធីសាស្ត្រមួយចំនួន ដើម្បីជួយអ្នករៀបចំដំណើរកំសាន្តដែលអាចចំណាយថវិការអស់តិច៖ ១. រៀបចំគំរោងផែនការ ការធ្វើដំណើរកំសាន្តភ្លាមៗដោយមិនគ្រោងទុកវាជាការល្អ ប៉ុន្តែវាតំរូវអោយអ្នកមានពេលវេលាច្រើន និងថវិការច្រើនផងដែរ។ ដោយឡែក បើអ្នកធ្វើដំណើរមានថិវការតិចតួច អ្វីដែលអ្នកគួរធ្វើមុនគេគឺ រៀបចំគំរោងទុកជាមុន។ នេះមានន័យថា អ្នកមិនត្រូវការគំរោងដើរលែងអោយលំអិតពេកទេ គ្រាន់តែប៉ាន់ប្រមានមើលថានិងត្រូវចំណាយពេលអស់ប៉ុន្មាននៅទីតាំងមួយៗ និងផ្លូវដែលត្រូវទៅនោះជាការស្រច។ បើមិនរៀបចំមុនទេ អ្នកនិងត្រូវចំណាយខ្ពស់ទៅលើ តំលៃយន្តហោះ និងសណ្ឋាគារជាដើម។ ២. ធ្វើដំណើរកំសាន្តពេលមានកម្មវិធីបុណ្យតិច (Green season) ពិតណាស់ថា វិស្សមកាល ចូលឆ្នាំថ្មី និងបុណ្យប្រពៃណីជាតិម្តងៗ សេវាកម្មទេសចរណ៍ទាំងអស់បានឡើងថ្លៃខ្លាំង ដើម្បីទទួលបានប្រាក់ចំណេញច្រើន ដោយសារតែអំឡុងពេលនោះគឺ មានដំណើរគ្រួសារច្រើន។ ជាក់ស្តែងដូចជា ខេត្តសៀមរាប និងខេត្ត ព្រះសីហនុ សេវាកម្មទាំងឡាយគឺឡើងថ្លៃខ្លាំង។ ដូច្នេះហើយ អ្នកគួរតែមើលពេលវេលាដ៏ល្អបំផុត សំរាប់ដំណើរកំសាន្តទៅកាន់ទីតាំងដែលអ្នកប្រាថ្នាចង់ទៅ។ អ្នកអាចទៅមុន ឬក្រោយកម្មវិធីពិសេសទាំងអស់នេះ។ រដូវបៃតងគឺជាពេលវេលាដ៏ល្អបំផុតសំរាប់អ្នក រុក្ខជាតិមានពណ៌បៃតងស្រស់ និងអាកាសធាតុត្រជាក់ល្មម។ អ្នកនិងមានដំណើរកំសាន្តដ៏អស្ចារ្យ ទោះបីជាមេឃមិនសូវមានកំដៅថ្ងៃក្តី។ ទាំងសណ្ឋាគារ និងក្រុមហ៊ុនអាកាសចរណ៍បានចុះតំលៃដើម្បីទាក់ទាញអតិថិជនរបស់ពួកគេ។ ៣. ស្នាក់នៅសណ្ឋាគារមានតំលៃសមរម្យ (Budget hotels) ជាធម្មតាដើម្បីចំណាយតិច ផ្ទះសំណាក់គឺជាជំរើសល្អបំផុត ប៉ុន្តែអ្នកក៏អាចមានមានជំរើសច្រើនសំរាប់ការស្នាក់នៅ។ គេហទំព័រ Bayonia ជាមធ្យោបាយមួយសំរាប់អ្នកស្វែងរកសណ្ឋាគារដែលមានតំលៃសមរម្យ ទៅតាមថវិការរបស់អ្នក។

Read More

ការធ្វើដំណើរកំសាន្តជាគ្រួសារគឺ ជាបទពិសោធន៍ដ៏អស្ចារ្យសំរាប់សមាជិកគ្រួសារទាំងអស់។ ប៉ុន្តែ អ្វីដែលរំភើបបំផុតនោះគឺសំរាប់ក្មេងៗ។ ពួកគាត់ទន្ទឹងរង់ចាំ ការលែងកំសាន្ត និងការស្វែងរកជាមួយសមាជិកគ្រួសារទាំងអស់។ យើងដឹងហើយថា ការធ្វើដំណើរជាមួយក្មេងៗ ពិតណាស់វាមិនងាយស្រួលនោះទេ។ អ្នកត្រូវតែរៀបចំរបស់របរជាច្រើនសំរាប់ពួកគេ នៅពេលធ្វើដំណើរឆ្ងាយពីផ្ទះម្តងៗ។ ទោះជាយ៉ាងណាក៏ដោយ វាមានអត្ថប្រយោជន៍ជាច្រើនសំរាប់ការធ្វើដំណើរកំសាន្តជាគ្រួសារ។ ខ្ញុំសូមបង្ហាញអត្ថប្រយោជន៍១៥យ៉ាងនៃការធ្វើដំណើរកំសាន្តជាគ្រួសារជាមួយកូនរបស់អ្នក៖ ១. ក្មេងធ្វើអោយអ្នកធ្វើដំណើរយឺតៗនិងទស្សនាបានច្រើន គុណសម្បត្តិចំបងមួយនៃការធ្វើដំណើរកំសាន្តជាមួយក្មេងៗ គឺពួកគេធ្វើអោយអ្នកដើរទស្សនាមួយៗ ដូច្នេះអ្នកនិងទស្សនាបានច្រើន និងមានពេលច្រើនរីករាយជាមួយទេសភាពដ៏ស្រស់បំព្រង។ ជាលទ្ធផល អ្នកនិងមើលឃើញអ្វីគ្រប់យ៉ាង ដែលរបស់ទាំងនោះអ្នកនិងមិនបានចាប់អារម្មណ៍ ហើយមើលរំលង ពេលដែលអ្នកធ្វើដំណើរកំសាន្តដោយគ្មានក្មេងៗ។ ២. ក្មេងជុំរុញទឹកចិត្តអ្នកអោយបង្កើតពេលវេលាមានតំលៃ ពេលខ្លះពេលធ្វើដំណើរកំសាន្ត អ្នកមានភាពនឿយហត់និងខ្ជិល ហើយចង់នៅសំរាកអានសៀវភៅ និងផឹកកាហ្វេពេញមួយព្រឹកក៏មាន។ ប៉ុន្តែ ក្មេងៗគឺពួកគេពោរពេញដោយកំលាំង ហើយពួកគេចូលចិត្តសកម្មភាពខាងក្រៅ ដូចជារត់លេង ក្នុងសួនកុមារ តាមមាត់សមុទ្រ ហែលទឹកក្នុងអាងហែលទឹកក្នុងសណ្ឋាគារ ជិះដំរី ជិះរទេះគោ ជិះសេះជាដើម។ អ្នកត្រូវតែទៅនិងលែងជាមួយពួកគេអោយបានច្រើន។ ទាំងនេះផ្តល់អោយអ្នកនូវពេលវេលាដ៏មានតំលៃជាមួយកូនរបស់អ្នក។ ៣. ក្មេងធ្វើអោយអ្នកមើលឃើញពិភពលោកបានទូលាយជាងមុន តើកូនរបស់អ្នកសួរអ្នកច្រើនដែររឺទេ ដូចជា នរណាគេ តើនោះជាអ្វី ពេលណា នៅទីកន្លែងណា ហេតុអ្វី តើដូចម្តេច ក្នុងអំឡុងពេលធ្វើដំណើរកំសាន្តរបស់អ្នក? ក្មេងៗធ្វើអោយឪពុកម្តាយរបស់ពួកគេ ដឹងរឿងច្រើនជាងមុនចំពោះរឿងរ៉ាវផ្សេងៗនៅជុំវីញពួកគេ។ ជារឿយៗពេលយើងធ្វើដំណើរកំសាន្ត យើងមិនបានចំណាយពេលដើម្បីឆ្លុះបញ្ចាំងនិងស្វែងយល់ពីខ្លួនឯង ដែលជាទូទៅដំណើរកំសាន្តវាបង្កើតអោយយើងដោយភាពអស្ចារ្យជាទីបំផុត។ ដោយការយកចិត្តទុកដាក់សង្កេតអ្វីជុំវិញខ្លួន និងឆ្លើយសំណួរជាច្រើនរាប់មិនអស់របស់កូនរបស់អ្នក អ្នកនិងក្លាយជាបុគ្គលពោរពេញដោយការយល់ដឹងចំពោះខ្លួនឯង និងមនុស្សទូទៅនៅក្នុងសង្គមដែលយើងរស់នៅ។ ៤. ក្មេងគឺជាអ្នកចាប់ផ្តើមការសន្ទនាទៅកាន់មនុស្សដ៏ទៃ ជាមួយក្មេងៗ

Read More

We, adults, are full of stress in everyday life from job, bills to pay, expectations, attitudes, anxiety, fear, feelings, events, environment and society. Sometimes we reflect that childhood can seem like a carefree time. But, we don’t realize that kids also experience stress. Things like school and their social life can sometimes create pressures that can feel overwhelming for kids. As a parent, you can’t protect your

Read More