អ្នកគ្រាន់តែចំណាយពេលតែ៥នាទីប៉ុណ្ណោះពីផាប់ស្រ្ទីត និងផ្សារចាស់ ជាមួយនិងសណ្ឋាគាបែបខ្មែរទំនើប ដែលមានផ្លូវចូលលំអទៅដោយសួនច្បារស្រស់ស្អាត និងជាបេះដូងនៃខេត្តសៀមរាប ក្បែនិងដងស្ទឹងសៀមរាប ។ មានភោជនីយដ្ឋាន ដែលមានអាហារ និងភេសជ្ជៈ គ្រប់មុខ គ្រប់ពេល ព្រមទាំងមានអាងហែលទឹក ដែលលំអទៅដោយរុក្ខជាតិតូចៗប្រកបដោយផ្កាភ្ញីតាមជញ្ជាំង ដែលធ្វើអោយលោកអ្នកមានអារម្មណ៍ស្រស់ស្រាយនៅពេលដែលកំពុងស្រស់ស្រូបអាហារ ។ លោកអ្នកអាចហែលទឹក អង្គុយលំហែរកាយ ហាលថ្ងៃ និងនិយាយគ្នាលេង ជាមួយនិងអាងហែលទឹកដែលមានទឹកពណ៏ខៀវ ដែលធ្វើអោយអ្នកធូស្រាលរាលភាពនឿយហត់ អស់កំលាំងទាំងឡាយ ។

លោកអ្នកអាចជ្រើសរើសបន្ទប់គេងគ្រប់ប្រភេទបានជាច្រើនដូចជា បន្ទប់គេងគ្រែ២ បន្ទប់គេងគ្រែ១ ដែលភ្ជាប់មកជាមួយនិង រានហាលបែបខ្មែរទំនើបដែលអាចអោយលោកអ្នកទស្សនាទេសភាពទីក្រុងសៀមរាបបានយ៉ាងពេញចិត្ត ប្រកបដោយខ្យល់អាកាសបែបធម្មជាតិ ។ រាល់បន្ទប់គេងនីមួយៗ មានបំពាក់ទៅដោយគ្រឿងសង្ហារឹមបែបឈើសម័យទំនើប មានម៉ាស៊ីនត្រជាក់ មានទូរទស្សន៍ស្ដើងភ្ជួរនិងជញ្ជាំងជាប់ជាមួយនិងទូរដាក់ខោអាវ តុតូចល្មមសំរាប់អង្គុយធ្វើការព្រមជាមួយនិងម៉ាស៊ីនដាំទឹកក្កៅ សំរាប់ឆុងកាហ្វេ តែ ហើយថែមទាំងមានទូរទឹកកកកតូចល្មមទៀត ដែលមានភេសជ្ជៈគ្រប់មុខ អាចអោយលោកអ្នកពិសាបានគ្រប់ពេលវេលា ។ បន្ទប់ទឹកមាន ម៉ាស៊ីនទឹកក្ដៅទឹកត្រជាក់ ទឹកផ្កាឈូក អាងទឹកសំរាប់ដេកត្រាំ សាប៊ូកក់សក់ សាប៊ូដុះខ្លួន ច្រាស់ដុះធ្មេញ ថ្នាំដុះធ្មេញ កន្សែងជូតមុខ កន្សែងជូតខ្លួន ព្រមទាំងម៉ាស៊ីនផ្លុំសក់ ។

ហ្គ្រោរី អង្គរ ផ្ដល់ជូនលោកអ្នកនូវសេវាកម្មគ្រប់ពេល គ្រប់តំរូវការទាំងអស់របស់លោកអ្នក និងសង្ឃឹមថាលោកអ្នកនិងអញ្ជើញមកស្នាក់នៅសណ្ឋាគាររបស់យើងខ្ញុំ ហើយយើងខ្ញុំនិងរង់ចាំបំរើលោកអ្នកអោយអស់ពីចិត្ត ៕